Панжови од выставка.
Опубликовано Вайгель - 30.03.2026
Саранскойсэ панжови Павел Миничкинэнь, артыцянть-тонавтыцянть «Женщина в мифе, женщина в сказке» персональной выставказо. Кода пачтясть С. Эрьзя лемсэ музеень пресс-службасто, экспозициянтень совить 60 ламо важодемат, конат теезь эрьва кодамо техникасо: компьютерэнь графика, коцтонь коряс артома, акварель.»Павел Дмитриевичень шкинемасо гайгить «Калевала», «Масторава», «Калевипоэг» эпостнэнь, художественной произведениятнень, ёвкстнэнь, преданиятнень ды легендатнень мотивтне. Сынь вейсэндявить авторонть важодевкстнэсэ ды теить эсь ютковаст гармония ды вейсэнь ёвтнема, кона топавтови художественно-изобразительной материалтнэнь ды артомань лувонть вельде», — кортыть анокстыцятне. Невтемась карми важодеме Эрзя- мокшонь раськень культурань музейсэ чадыковонь 16-це чис.
