Панжиковсто Никон патриархонть чачома чистэнзэ саезь топодсть 420 иеть.
Опубликовано Вайгель - 14.05.2025
Панжиковсто Никон патриархонть чачома чистэнзэ саезь топодсть 420 иеть.
Те содавикс ломань Россиясо ды сонзэ томбале, кона ульнесь эрзя, чачокшнось Нижней Новгород ёно эрзянь Вельдеманова велесэ.
Никита Минов, истя сонзэ лемдясть, пек вечксь якамо церьковав, аштиль паро ёжосо службасо, ламо бажась ловномс.
Зярдо кассь ды виензась, тусь Макариев Желтоводской монастырьс. Ансяк тетязо тердизе мекев, ды савсь Никитанень урьвакстомс, ансяк седеезэ ульнесь монастырьсэ. Истя курок и лиссь – сон туи монастырев ды карми озномо, служамо Пазонтень. А курок карми и Патриархокс, мик кармить тензэ мереме «Великий государь».
Никон эсь эрямонзо перть тейсь пек ламо эрявикс тевть, конат кемекстызь Россиянть. Сон совавтсь эрявикс полавтовомат службатнес, пурнась питней библиотека, ков совасть ламодояк ламо книгат, сермадсь пазават, стявтсь колмо монастырьть. Новый Иерусалим монастыресь а умок витнезель ды ней тов якить певтеме ломанть, Пазнэнь кемицят. Эжди ламонь седейть Иверской монастыресь Валдайсэ ды Крестный-Кий монастыресь Онежсэ.
Никон ланга сёрмадозь ламо книгат, научной важодевкст, путозь ламо кеврунгот-памятникть.
