Ня ваймама шитнень ётась «Лыжня России» пялькстомась

Ня ваймама шитнень Саранскяйса и Мордовиянь аймакнень эса ётась сембе Россиянь «Лыжня России» пялькстомась. Саранск ошса соксса арнесть Лыжно-биатлоннай центраса юго-западса. Пандемиять инкса массовай старт ашель, пялькстыхне тушендсть аф оцю группава. Мордовиянь оцюнять тевонзон тииенц Артём Здуновть лемста соксса арнихнень васьфтезь ошть оцюняц Пётр Тултаев и спортонь, молодёжнай политикань и туризмань министрсь Александр Савилов.
Сонць Артём Здунов арнесь соксса ёткшиста Ардатовскяй аймакса.
Олимпийскяй резервонь школань вятись Михаил Храмов китькстазе: «Пялькстоматне ётасть кенярдезь и весяласта. Сашендсть ёмланек-оцюнек, целай семьят. Участникненди тифоль концертнай программа, ярхцамбяленди аноклафоль ям и чай».