Н. П. Огарёвонь лемса университету сась од ректор

11-це ноябрьста Н.П.Огарёвонь лемса госуниверситетонь ректорть тевонзон тиикс путозь Дмитрий Глушкоть. Пуромксса ульсть сонць Мордовиять оцюняц Артём Здунов, университетонь проректорхне, ученай советти сувайхне, факультетонь и инститонь вятихне, студентонь и профсоюзонь актифне.
Дмитрий Евгеньевич Глушко — педагогикань наукань кандидат. Шачсь Якутскяйса. Мзяршкас покодсь тоса тонафтыкс. Ётай кизоста ясвомок сон — Россиянь просвещениянь министрать полафтыец.
Мордовиять оцюняц тяфта же азсь оцю сюкпря Сергей Вдовинти. Сергей Михайлович тя пингть Мордовиянь Госсобраниянь вятить полафтыец.