Музыкань театрась панчсы сезонтть концертса и балетса

И. М. Яушевонь лемса музыкань театрань коллективсь панчсы од сезонтть, кода и срхкавсь, 3 сентябрьста. Театрать 88 кизонь историястонза ваныхненди васенцеда фкя илядьста ули кода кулхцондомс морайхнень и няемс балетонь сембода содаф спектаклять.
Тяфта, 16:00 частса параднай фойеса лисихть морайхне «Мы снова вместе!» концертонь мархта. Тяса кармайхть кайгома опереттаста и опернай постановкатнень эзда кельгома пяльксне. Сувамс ули кода питнефтома. А 17:00 частста сценань лангса ваныхненди няфтеви «Лебединое озеро» Петр Чайковскяень балетоц. Эряви азомс, што главнай партиятнень налхксазь Россиянь Оцю театрать артистоц Дмитрий Выскубенко и Саранск ошень балеринась Айда-Сай Динина. Од ваныхненди ули кода рамамс билетт «Пушкинскяй картать» вельде.