Московсо ютась Россиянь Президентэнть марто эрьваиень конференциясь

Течи, ацамковонь 19-це чистэ, Московсо ютась эрьва иень пресс-конференциясь Россиянь Президентэнть Владимир Путинэнь марто.

Кортамось мольсь ламодо. Вана кона-бути кевкстематнеде.

Россиянь Президентэнтень Владимир Путиннэнь невтезельть мазутсо валозь Анапасо чуваронь таркатнень. Пшкадеманть конференциясо яволявтызе Витязево ошсто тейтересь-волонтерось. Владимир Путин тердинзе весень лездамс урядамс мазутонть Раужо иневеденть чирестэ.

Кортамось мольсь демографиядо. «Народонаселение — это то, что составляет страну», — мерсь Владимир Путин.

Явозель покш мель СВО-нтень. Россиянь президентэсь ёвтась сюконямонь валт весе волонтёртнэнень, конат лездыть Белгородской ды Курской ёнкстнесэ эриця ломантненень.

Ульнесь кевкстема газетатнень лангаяк. «Кармить эрямо эли арась газетатне?», — кевкстизь Владимир Владимировичень.  «Бумажная журналистика будет иметь место в этом быстро меняющемся мире, как и бумажная книга», — мерсь Россиянь Прявтось. Истя жо сон тешкстась «бумажные издания — это искусство».