Мордовияв састь муромскяй вирень траксне

Опубликовано - 24.12.2020

Мордовиянь заповедникти састь од эряйхть – ниле вирень тракст Муромскяй заказникста. Темнику аймаку синь пачкодсть 22-це декабрьста. Вирень тракснень (зубратнень) нолдазь панжада вальерс, коса ули ярхцамань васта. Тов же малацекс пингть сайхть нинге 4 муромскяй вирень тракст.

Тя вольерть эса жувататне тонаткшнихть ковшка. И сяльде ни синь нолдасась воляс. Кельме пингста, мзярда тишет-месть аш, зубратне кармайхть сашендома ярхцамбяль мархта площадкати. Сянкса синь и усксесазь тялонда. Штоба улель пинге тонадомс од территорияти.

Лятфтасаськ, васенце 8 вирень траксне усфтольхть Мордовиянь заповедникти ётай кизоня сёксенда. Тяни синь урхтсост эвондась ни васенце вазнясь.


Reader's opinions

Leave a Reply

Your email address will not be published. Required fields are marked *



Вайгель эфир по будням: с 7.00 до 7.30 – на эрзянском языке, с 7.30 до 8.00 – на мокшанском языке

Current track

Title

Artist