Мордовиясто теварсевксэсь изнясь «Музей 4:0» пелькстамосонть
Опубликовано Вайгель - 08.09.2022
Саран ошонь артыцятнень ды Степан Эрьзя лемсэ музеень важодицятнень теварсевксэст понгсь «Музей 4:0» пелькстамосонть 16 изницятнень юткс. Весемезэ эйзэнзэ максозельть 200 ламо яволявтомат Россиянь кодгемень 69 регионсто. Наталья Челмакина ды Анастасия Карпова састь мельс вейсэндямс од, ёроков дизайнертнэнь марто ды вейсэ анокстамс раськень оршамопельть. Истямо меленть кирдизе Владимир Потанин лемсэ паронь теемань фондось. Теварсевксэсь изнясь «Технологии и инструменты» номинациясонть. Ней, сонзэ лувсо сундерьковонь 1-це чистэ саезь кармить анокт шкинемань лабораторият, конатнесэ од дизайнертнэ седе домкасто кармить тонавтнеме эрзя- мокшонь раськень оршамопельтнень башка ёнксост ды салаваксчист. Седе тов, тень коряс анокстыть раськень мазылгавтомат ды оршамопельть. Тевенть топавтомс лезды изнязь грантось.
