Мордовиясто школьницась кармась Весероссиянь пелькстамонь казнень саицякс
Опубликовано Вайгель - 06.12.2024
Покш Игнатовань школань 8-це классо тонавтницясь Диана Вирясова сайсь 2-це тарка «Село. Замечательные люди моей малой Родины» пелькстамонь «Аграрные династии» номинациясо. Сон кучсь материалт Вармазейка велестэ Кабаевтнень фермерэнь династиядонть, конантень 200 иеде ламо.
Казненть тейтерькантень максызе К. А. Тимирязев лемсэ Московонь сельхоз академиянь ректорось Владимир Трухачев.
Дианань арсемасонзо школадо мейле молемс тонавтнеме Россиясо Аграрной прявт вузонтень «Ветеринария» направлениянтень. Сонензэ лездась кочкамс эсь профессиянть пелькстамось.
Эряви меремс, весемезэ пелькстамонтень састь яволявкст тежадо ламо 5-19 иесэ эйкакштнэнь ды од ломантнень пельде. Финалс лиссть 100 сехте виевтне.
