Мордовиясто «Гайги вайгельтне» кармась «Песни родной стороны» пелькстамосо казнень саицякс

Александр Тархов лемсэ Регионъютконь XI пелькстамось ютась Пензасо. Тосо гайгсь Россиянь эрьва кодамо раськетнень кельтнесэ этникань фольклорось.

Эрзянь ды мокшонь кельтнень мазычинть тосо невтизь Н. П. Огарев лемсэ Национальной культурань институтонь васенце курсонь студенттнэ Екатерина Модинань ветямонзо ало.

Эряви меремс, весемезэ пелькстамосонть онкстасть виест Равчирень ёнксонь оштнестэ (Самарасто, Оренбургсто, Пензасто, Саранскойстэ, Ижевскойстэ, Кировасто, Волгоградсто, Казаньстэ, Йошкар-Оласто) 35 коллективть ды 18 иестэ саезь 35 иес раськень фольклоронь морыцят.

Мордовиянь «Гайги вайгельтненень» максозель тосо 3-це степенень лауреат лемесь.