Мордовиясо юты «Сабантуй» фольклоронь кенярксось
Опубликовано Вайгель - 12.06.2024
Тедеде татаронь культурань кенярксось юты аштемковонь 29-це чистэ Лямбирь буень Аксеново веленть маласо паксясонть, косо 2022-це иестэ ютась Весероссиянь велень XII-це Сабантуесь. Сестэ Мордовияв сакшность Россиянь эрьва ендо 50 тежадо ламо инжеть.
Инжетнень учить Мордовиянь ды Татарстанонь артисттнэнь, художествань самодеятельностень коллективтнень морамот. Паксясонть кармить роботамо микшнема таркат, наймант ды ёроковтнень невтемат, республикань буень подворьят, кармить анокстазь спортонь ды эйкакштнэнь туртов площадкат.
Истяжо Аксенованть маласо нейгак ашти Татарстанонь Кукморской буень этновелесь, конась путозель тосо Весероссиянь Сабантуенть шкасто.
Тешкстасынек, тедеде Аксеново велентень топоди 355 иеть, секскак те карми кавонзазь кеняркс.
