Мордовиясо юты «Музеень весь»
Опубликовано Вайгель - 16.05.2023
Коенть коряс, акциясь алтави Музеень раськеютконь покшчинтень, кона тешкстави панжиковонь 18-це чистэнть. «Музеень вестэнть» эрьвантень, кинь ули мелезэ, питневтеме молемс искусствань ды историянь кудотнес чокшне. Экспозициятнеде башка, ваныцятнень ды республикань инжетнень учи шкинемань сюпав программа.
Тень коряс, акциясь юты панжиковонь 20-це чистэ, субутасто.
Те чокшнестэнть учить С. Д. Эрьзянь лемсэ, Раськень культурань, И. Д. Воронинэнь лемсэ, А. И. Полежаевень лемсэ музейтнесэ, «Мордовское подворье» этнографиянь комплекссэ, Войнань ды важодемань подвигень мемориальной музейсэ.
Эряви меремс, акциясь карми ютамо аволь ансяк музейтнень потсо. Музейтнес сыцятнень учи «наСЛЕДники: исследуй город» квестэсь, конанть карми эрявомо ютамс ялго Саранскоень прявт куротнева.
