Мордовиясо юты «Иненармунь» эрзянь ды мокшонь мазыйкатнень ютксо пелькстамось

Эряви меремс, мазычинь ды шкинемань коряс Регионъютконь пелькстамось юты регионсо васенцеде. Эйсэнзэ невтемс прянть тердевить 18 иестэ саезь 35 иес эрзяватне ды мокшаватне, конат эрить Мордовиясо ды лия регионтнесэ.

Прявт вешемась – улемс эрзякс эли мокшокс, ды кортамс неть кельтнесэ.

Пелькстамонть ютавтыть «Юрхтава» мокшонь авань вейсэндявксось Мордовия Республикасо Культурань, национальной политикань ды архивень тевтнень коряс министерстванть лезксэнзэ вельде.

Од тейтертнень пельде видео-яволявкстнэнь мереви кучомс сундерьковонь 1-це чистэнть саезь сундерьковонь 15-це чис «Юрхтавань» электронной почтас (yrtv13@yandex.ru). Теевемс содавиксэкс пелькстамонь Положениянть марто мереви теицятнень кулялопасост «ВКонтакте» вейспурнавкссонть.