Мордовиясо ютась «Чемпионат Победителей» эйкакшонь футболонь Весероссиянь фестивалень панжомась

Ацамковонь 22-це чистэ Мордовиясо ютась «Чемпионат Победителей» эйкакшонь футболонь Весероссиянь фестивалень 3-це сезононь панжомась. Мероприятиясонть невтизь пряст Мордовиянь Прявтось Артём Здунов ды Россиянь содавикс футболисттнэ: ортасо содавикс аштицясь, СССР-нь спортонь заслуженной мастерэсь Ринат Дасаев, Россиянь спортонь заслуженной мастерэсь, 2005-це иестэ УЕФА Кубкань саицясь Евгений Алдонин, спортонь заслуженной мастерэсь, 2008-це иень пильгеоскань коряс Европань чемпионатонь бронзань таркань саицясь, Дмитрий Сычев, футболонь коряс Россиянь колмоксть чемпионось Георгий Щенников ды «Ветер добрых перемен» паронь теемань фондонь попечительской советэнь председателесь Денис Игнатов.

Мордовиянь олимпийской анокстамонь футболонь коряс куншкакуронь манежсэнть те чистэнть пурнавкшность 160-де седе ламо пря невтицят эйкакшонь кудотнестэ, ламо эйкакш марто кудораськетнестэ, СВО-нь участниктнень эйкакшост ды колазь шумбрачи марто эйкакшт, ваныцят.

Од футболисттнэнь туртов ютась конференция, конань ветизь содавикс спортсментнэ. Фестиваленть поладызь футболонь мачтне, пелькстамотне. Песэ инжетне ютавсть  автограф-сессия. Ульнесь казнень максомань церемония.

Эряви ётамс, «Изницятнень чемпионатось» 2022-це иестэнть саезь пурнась 144 эйкакшонь командат — те 2,5  тежадо ламо эйкакшт Россиянь эрьва кодамо регионтнэстэ.