Мордовиясо ушодсь роботамо транспортонь вейке карта

Тундонть ушодкссо республикасо появась карта, конасонть мереви пандомс эрьва кодамо общественной транспортсо ардоманть.

Васняяк, эйсэнзэ меревсь пандомс ардоманть ансяк Мордовиянь кой-кона буетнестэ ды лия оштнестэ Саранскоев ды мекев. Ней жо мереви пандомс весе ардоматнень Саранскойсэяк.

Рамамс истямо карта мереви газетань киосктнесэ ды маршруттнэнь ветицятнень ды кондуктортнэнь кедьстэ. Питнезэ – 100 целковойть. Ярмак, 100 целковойстэ саезь ды 2000 целковойс, картантень мереви путомс банктнень-партнертнэнь мобильной приложенияст лезксэст вельде. Ардомась картасонть пандови ярмаконь путомадо мейле мельга молиця чистэнть. Сонзэ прявт башка ёнксокс ловови се, што сон зярдояк а понги стоп-листс. Терминалось сеске яволявтсы картасо ярмаконь асатыксчидест, ды сонзэ азоронтень карми эрявомо пандомс ардоманть кода-бути лиякс.

Малавгалиця шкастонть арсеви теемс истямо тариф, конась ловозь се кинть лангс, косо эряви озамс аволь вейке автобусос эрявикс тарканть видьс пачкодеманть туртов, — рузокс меремс, пересадочной тариф, конась лезды ютавтомс седе аламо ярмакт кинть лангс.