Мордовиясо снимасть «Наследие» аудиовизуальной энциклопедия.

Мордовиясо ютасть «Наследие» аудиовизуальной энциклопедиянь снимамотне. «Сохраняя традиции, создаём будущее» культурно- исторической тевтопавтоксонть лувсо, Ардатова ёнксонь Орозбие  велесэ ютасть «Наследие» аудиовизуальной энциклопедиянь съёмкатне. Снимазельть Аксёновтнень кудораськесь ды понань кемень музеесь. Равчирень вейкине лембе понань кемень музейсэнть ванстовить  малав сядо кемть, конатнень кевердизь Орозбиень кедьчелькев ломантне. Тосо улить суресэ ды човалясо викшнезь кемть, артозь ды седе тов. Те тевесь велесэнть эри колмосядт иеде ламо. Музейсэнть ванстовить кемень кевердемань эрявикс кедьёнкстнэ, лембе понань кемть.  Теде башка, весе сыця инжетне каванявить тикшень тантей чайсэ. Юрий Аксёнов, конань кемень кевердеме тонавтызе тетязо ды покштязо, невтсь съёмочной группанть туртов мастер- класс кемень кевердемань коряс. А сонзэ низэ, Надежда Михайловна пидесь раськень ярсамепель- салмат.