Мордовиясо поладови Вечкилейканть велькссэ сэденть теемазо

Ледстясынек, Вечкилейка леесь чуди Мордовия Республикань Теньгушева велесэ. Самай тосо карми теезь од сэдесь. Неть читнень тов ускозельть ды путозельть 5 балкат. Ней важодемась поладови седе тов.

Кода тешкстыть буень администрациясо: «Те сэдесь – пек эрявикс буенть туртов целанек.  Сонзэ теемстэ ловозельть икельце сэденть весе асатыксчитне. Саемс,  витезель пурдамонь ужось. Те тейсы сэденть ланга ардоманть седе вадрякс машинатнень ветицятнень туртов».

Эряви тешкстамс, витнемань тевтне молить ташто сэденть вакссо. Меельцесь теезель 1973-це иестэ, ды те шканть перть таштомсь. Од сэденть лангс явозель малав 90 млн. цел. Роботатнень арсеви прядомс те иестэнть.