Мордовиясо панжсть Давид Малыйкин Россиянь Героенть Почетонь лаз.
Опубликовано Вайгель - 10.07.2025
Мордовия республикань Дубёнкань райононь Орданьбуень школасо кенярксчинь лувсо панжовсь Россиянь Героенть Давид Малыйкинэнь Почетонь доскась. Церемониясонть ульнесть сонсь Героесь ды сонзэ малавиксэнзэ, буень прявтось Виктор Нефедов, Мордовия республикава «Защитники Отечества» Государственной фондонь филиалонь социальной координаторось Марина Герасимова, школасо тонавтницятне ды тонавтыцятне. «Минек школасо тонавтнесь Россиянь Героесь, гвардиянь прапорщикесь Малыйкин Давид Алексеевич», — корты лазонть лангсо сёрмадовксось. Россиянь Федерациянь Героень лемесь Давид Малыйкиннэнь максозь 2022 иестэ Россиянь Президентэнть Владимир Путинэнь Указонзо коряс специальной военной операциянть лувсо невтезь мужестванть ды героизманть кисэ. Каршо валсонть Давид Малыйкин ёвтась сюкпря райононь прявтонтень ды арсесь юнармеецтнэнень изнявкст тонавтнемасо, кеме ялгаксчи, семиянтень вечкема ды Тиринь Масторонтень кемевиксчи. Лазонь панжомась кармась покш тевекс школанть ды весе райононть туртов, кона тешкстызе геройтненень ды сынст ине тевентень мелень явоманть.
