Мордовиясо лиссть кавто од книгат эрзянь кельсэ

А. С. Пушкин лемсэ ловнома кудосо, Национальной ды краеведениянь литературань отделсэ, ютась эрзянь кавто од авторонь книгаст презентациясь: Юлия Мамаевань «Ледстнемасто кодазь каштаз» валморонь пусмонть ды Виталий Картышкинэнь  «Ютан велева» книганть, ков совась теке лементь марто повестесь.

Эряви меремс, Юлия ды Виталий умок печатавить «Сятко» ды «Чилисема» журналтнэсэ, а вана эсест книгаст печатазь форматсо лиссть васенцеде. Кавонест нолдазельть 300 тиражсонть.

Презентациясь лиссь лембекс ды валдокс. Паро валонь ды поздоровонь ёвтамо Юлиянень ды Виталийнень сакшность сёрмадыцят, национальной СМИ-сэ важодицят, университетэнь преподавательть, од автортнэнь ялгаст.

Книгатне лиссть МР-нь Прявтонь Администрациянть ды Правительстванть лезксэст вельде.

Валморонь пусмонть ды повестенть редакторокс кармась МР-нь Сёрмадыцятнень вейсэндявксонь прявтось Татьяна Швецова.