Мордовиясо лиссь Эрзянь ды мокшонь кельсэ азбука
Опубликовано Вайгель - 19.10.2023
Мордовиясо лиссь Эрзянь ды мокшонь кельсэ азбука. Эйсэнзэ невтезть С. Эрьзянь лемсэ музеень фондсто скульптуратне ды артовкстнэ. Эйстэдест ёвтневи рузонь, эрзянь ды мокшонь кельтнесэ алфавитэнь весе букватнесэ.
Книганть сёрмадыцязо — С. Эрьзянь лемсэ Музеень педагогикань отделэнь прявтось Наталья Осянина. Нолдыцясь — Константин Шапкарин. Эрзянь кельс ютавтыцякс кармась Мордовия Республикасо Сёрмадыцятнень вейсэндявксонь правлениянь прявтось Татьяна Швецова, мокшонь — «Мокша» журналонь прозань отделэнь редакторось Марина Стешина.
Книгась нолдазель Мордовия Республикань Прявтонь Администрациянть ды Мордовия Республикань Правительстванть лезксэст вельде.
