Мордовиясо коронавирусто вакцинат ней эряви путомс весенень

Те кармавтомась совась вийс ожоковонь 11-це чистэ. Теевемс сонзэ марто содавиксэкс мереви Роспотребнадзоронь сайтсэ.

Истя, вакцинат эрявить путомс: микшнемань сферасо, мазычинь салонтнесэ, шлямонь, уйнемань, ярсамонь таркатнесэ, фитнес-клубтнесэ, таксисэ ды ускомань кампаниятнесэ, эйдень кужотнесэ, школатнесэ, ЖКХ-со, тетарасо ды кинотеатрасо, почтасо роботыця ломантненень ды лиятненень. Тенде — седе домкасто Роспотребнадзоронь сайтсэ.

Эряви, штобу прививкат улевельть весе важодицтянень эйстэ кавксоньгемень проценттнэде ламонь. Вешематнень коряс – сундерьковонь кеветеец чис васенце компонентэсь, ацамковонь кеветееце чис – омбоцесь.

Весемеде башка, ожоковонь 15-це чистэ саезь Мордовиясо кармить эрявомо QR-кодт (кона невти прививкань путоманть эли а умок коронавируссо сэредеманть).

Фото: pixabay.com