Мордовиясо кочкасызь «Иень сехте паро книганть

А. С. Пушкин лемсэ раськень ловнома кудосо яволявтсть «Лучшая книга года» 3-це республиканской пелькстамодонть. Сон ютавтневи кавто иес весть региононь сёрмадейтнень ютксо. Пелькстамосонть ванновить 2022-це- 2023-це иестэ нолдазь книгатне. Яволявтоматнень саемась поладови эйзюрковонь 31-це чис. Коень коряс, изницятне кочкавить зярыя пелькска. Неть- наукань издания, эйкакшонь литература, тиринь ёнксто литература ды лият. Сыст ванносынзе экспертэнь советэсь. Чадыковонь 15-це чистэ саезь  панжиковонь 12-це чис ловнома кудонь кулялопатнесэ Интернетсэ ловныцятненень мереви ёвтамс эсь мелест книгатнень коряс. 2022-це- 2023- це иень сехте вадря книганть яволявтсызь аштемковонь 30-це чис.