Мордовиясо эриця раськетнень культурадост ёвтнесть Федерациянь Советсэ

Россиянь Федерациянь Федеральной Собраниянь Федерациянь Советэнь Прявтось Валентина Матвиенко ютавтсь вастовома раськень шкинемань, культурань кудотнень прявтнэнь, культурань ды искусствань важодицятнень марто. Прявт мелесь –кортамс культурань койтнень ванстомань стакачитнеде, историянь ды культурань памятниктнеде, раськень искусствань касомадо- кепетемадо ды этнокультурань сюпавчиде. Минек региононть пельде вастовомантень тердезельть- культурань, раськень политикань ды архивень тевень министрась- Светлана Баулина ды «Мерема» фольклорно- энографической студиянь прявтось, Екатерина Модина. Сон истяжо ашти Саранонь коень фольклоронь ды этнографиянь куронь прявтсо. Екатерина Модина ёвтнесь Федерациянь Советэнь прявтонтень, кода минек регионсо ветяви этнической раськень искусствань вельмевтемань ды касомань- кемекстамонь коряс важодемась ды мезе эряви теемс сень коряс, важодемань виевгавтомга.