Мордовияса ётай сокамать коряс миронь Чемпионатти кочкамась

22-25-це сентябрьста Мордовияса ётай сокамать коряс миронь Чемпионатти кочкамась. Пялькстомась ули Саранск ошса Октябрьскяй аймакса «1 мая» предприятиять паксянц эса. Заявка сокамать коряс сембе миронь пялькстомати Россиясь кучсесь нинге 2009-це кизоня. И вов, сай кизоня Чемпионатсь васенцеда ётай странасонк.
Мордовиянь велень хозяйствань минестерстваса корхтайхть, кода пара, мес миньцонк ётафтовихть сокамать коряс пялькстомат. Тя касфтсы аграрийхнень трудснон колга содамошитнень, од ломаттне кеподи мяльсна велень хозяйстваса покодемати. Сокамать коряс пялькстомать эса аграрийхне полафтыхть фкя-фкянь мархта опытса, и кода ванфтомс и нолдамс тевс агропромышленнай комплексса тяниень пингонь экологичнай технологиятнень.