Мордовияса ётай «Птичий дом» пялькстома

Мордовия Республикань Государственнай собраниясь «Известия Мордовии» газетать мархта тага ётафтыхть «Птичий дом» пялькстома. Сон лемтьф перьфпялень кельгихненди — школаса тонафнихненди и нинге сяда ёмлатненди, конат тядяснон-аляснон мархта тиендихть куднят нармоттненди. Пялькстомась лемтьф нармонень сембе миронь шити, кона ётни 1-це апрельста. Тя кизоня конкурссь юбилейнай, ётай 10-цеда ни. Сембе кизотнень эсонза примасть участия 15 000 маласа ломаньда.

Конкурсти примавихть скворечникт, синичникт, дуплянкат, конат тифт эсь кядьсонт. Ськамонт или лама ломань мархта. Жюрись ванцы оригинальностть, кодама техникаса тиф, кода стакаста тиф, и кодама мазы лангоц.

Сяськихнень и призерхненди максыхть диплопт и казнет. Кинь ули мялец няфтемс эсь маштомашинц, кучеда заявка 18-це мартти самс. Эсонза улезот фотографият и видеот кода тинь тихтяда нармонень куднять эса. Электроннай адрессь — pdom2022_rm@mail.ru.