Мордовияса ётафтовсь сембероссиянь футболонь шись

Кизонь 1-це шиня Мордовияса ётафтовсь сембероссиянь футболонь шись, конац ульсь «Мордовия Арена» стадионца. Фестивальсь кочказень спортонь кельгихнень и сембонь, кинь ульсь мялец эрьгавста ётафтомс вайма шить. Илать эса инжихнень васьфтезень Мордовиянь спортонь министрсь Никита Ларьков.

Мероприятиять видеса ётафтовсь шабань командатнень ёткса турнирсь, пялькстомат, «ЧИР лидер»  семиянь командань чемпионатсь, моно-стерео футболсь и лама мезе лия. Тяфтажа ульсь кода тиемс автограф-сессия содавикс футболисттнень Олег Власовонь и Эрик Корчагинонь мархта. Илась аделавсь «Шумбрат» и «Мордовия» футбольнай клубнень  гала-матчснон налхкомаснон мархта.