Мордовияса ушедсь «МордовияZAнаших! Шаг к Победе» эрь кизонь фестивальсь

18-це апрельста Культурань республиканскяй Дворецса ётафтовсь тянь колга пресс-конференция. Кода пачфтезь организаторхне, тяддя тя фестивальсь ётай нинге сяда оцю форматса. Сонь эсонза ули кода примамс участия сембонди, аф ваномок мзяра ломанти киза. Васенце вешфкссь участникненди – тя няфтемс патриотическяй содержаниять мороса и стихса. Васенце фестивальть этапонц эса эряви кучемс видеозапись Культурань республиканскяй Дворецть электроннай почтазонза. Инь цебярь номерхне няфтевихть гала-концертса, конац ётай 9-це майста Совескяй площадьса.