Мордовиясь сюпалгадсь «Моронь керькс»  моронь пусмосо

Те книгинентень совасть рузонь ды лия раськень морот, конатне ютавтозь эрзянь ды мокшонь кельс. Весемезэ пусмонтень совавтозь 100 ламо морот. Саезь сынь самодеятельной вейспурнавкстнэнь ды ёроков морыцятнень  репертуарсто.  «Моронь керькс» пусмось нолдазь «Регионъютконь фестиваленть «Новая песня древней земли» проектэнть потсо, конась топавтови культурань инициативтнень Президентской фондонть лезксэнзэ вельде. Пусмостонть зярыя моротне гайгезевить «Новая песня древней земли» регионъютконь фестивалень концертсэ. Те шкане содави: кеняркссонть улемадо састь 30 ламо яволявтомат аволь ансяк Мордовиянь морыцятнень пельде, но и Россиянь лия регионтнэстэ, косо эрить эрзят ды мокшот. Фестивалесь юты ацамковонь 7-це чистэ Саранск ошонь Культурань Дворецсэ. Ушодксось 15:00 чассто.