Мордовиясь сувась странань пилотнай субъекттнень ёткс

Мордовиясь сувась странань пилотнай субъекттнень ёткс региональнай научно-технологическяй касомань-вииямань программатнень анокламаснон коряс. Мордовиянь Оцюнясь Артём Здунов примась участия ПФО-са РФ-нь Президентть полномочнай представителенц видеса Советть эса. Советть заседанияц ётась ВКС-нь режимса и ульсь лемтьф «Роль субъектов Российской Федерации на новом этапе научно-технологического развития» кизефксти. Важнай темань корхтамаса примасть участия ПФО-са РФ-нь Президентть полномочнай представителенза Игорь Комаров, Россиянь Правительствать Председателенц Полафтыец Дмитрий Чернышенко, РФ-нь наукань и высшай образованиянь Министрсь Валерий Фальков, РФ-нь мишендемань и промышленностень Министрть васенце полафтыец Василий Осьмаков, Российскяй наукань академиянь вице-президенттне Владислав Панченко и Сергей Чернышев, округонь региоттнень оцюнясна, РФ-нь Федеральнай Собраниянь представительхне, федеральнай и региональнай властень органонь представительхне, виензамань институтонь, «Ростех» Госкорпорациянь, а тяфта жа деловой объединениянь и общественнай организациянь руководительхне и представительхне. Оптоволокнань нолямань пяшксе циклань тиемась и биотехнологиянь отраслянь виензафтомась лядондыхть республикати приоритетнай проектокс.Тяфта жа Мордовиянь Оцюнясь мярьгсь шарфтомс мяль  омба масторонь фармацевтическяй компаниятнень лангс, конат кемоста тарыхть эсь патенстнон мархта и аф кирнесазь максф валснон российскяй рынкать пяшкодеманц коряс эрявикс препаратса, тянь мархта синь тиендихть оцю прябалат минь производительнеконди.