Мордовиясь сувась 10 инь цебярь региоттнень ёткс образованиянь качествать коряс

РФ-нь просвещениянь Министерствань сембеширдень  2024-це кизонь мониторингть итогонзон коряс Мордовиясь заняце  8-це вастть. Ётай кизоть ваксста кассь кафта позицияс. Тянь колга азондсть 7 февральста МР-нь образованиянь Министерствать итоговай коллегиясонза. Мордовияса полаткшневи образовательнай учреждениянь педа пес петемань программась, конац тяни токсесыне аф аньцек школатнень, но и идень садтнень.  Маластонь колма кизотнень арьсеви петемс 75 зданий,  сувафтомок 14  идень сад и 56 школа. Тяниень пингс 37%  сембе образовательнай учреждениянь зданиятне анцихть одкстоптома.