Мордовиясь келейгавты Китаень Аньхой провинциянть марто вейсэнь тевдееманть

Таштамковонь 27-це чистэ Мордовиянь Прявтось Артём Здунов ды региононь делегациясь бизнес-миссиянть лувсо ульнесть Китаень Аньхой провинциясонть. Аньхой – те металлургиянь, автомобилестроениянь, фармацевтикань ды туризмань покш куншкакуро, косо эрить 60 млн-до  ламо ломанть. Сон – Китайсэ ашти васенце таркасо промышленной производствань касоманть коряс. Тешкстасынек, Мордовиянть ды Аньхойенть 2016 иестэнть саезь сюлми вейсэнь тевдеемадо вейсладямось.

Мордовиянь делегациянть марто вастовкшнось провинциянь вице-губернаторось Сунь Юн. Тешкстазельть вейсэнь тевдеемань прявт ёнкстнэ, «Волга-Янцзы» форматсо седе тов вейсэнь важодемась.

Теде башка, ветявсть кортамот Хэфейсэ промышленностень кастомань-кепетемань коряс Масторлангонь конференциясо Мордовиянь пря невтемадонзо.
«Карматано келейгавтомо сюлмотнень промышленностьсэ ды наукасо, образованиясо ды од ломанень политикасо, культурасо ды туризмасо, – мерсь Артём Здунов. – Истят вастовоматне эрявить регионтнэнь ютксо видьстэ вейсэнь тевдеемань ладямонть туртов. Сюкпря тень кисэ минек мастортнэнь прявттнэнень – Россиянь Президентэнтень Владимир Владимирович Путиннэнь ды КНР-нь Председателентень Си Цзиньпиннэнь».

Фотось: Мордовиянь Прявтонть пресс-службань