Мордовиясь аноксты Россиянь велень кемкавтовоце Сабантуентень!
Опубликовано Вайгель - 19.05.2022
Покшчись юты Лямбирень буесэ медьковонь васенце читнестэ. Ушодовить кеняркстнэ Лямбирьсэ, тосо эсь пряст невтсызь Татарстанонь шкинемань вейспурнавксстнэ, конатне ютавтыть концерт. Медьковонь омбоце чистэ покшчинтень алтазь мероприятиятне поладовить Аксёнова велесэ. Те шкане анокстави мельстуиця программа, косо эрьвантень муеви ютко шкань ютавтома. Теде кортасть Мордовиянь Правительствань промкссо. Башка ваннозельть таркань анокстамодо, зыянтомочиде, сувенирэнь продукциянь анокстамодо, невтемань, микшнемань ды ярсамо куротнень важодемадо кевкстематне.
Сабантуев инжетнень Саранскойстэ «Лихачева» лотксема таркасто кавксо чассто саезь кевейксэе чассос кармить усксеме автобуссо. Рейстнэнь ютксо шкась –кеветее минутат. Покшчинь инжетнень туртов кармить важодеме волонтёрт. Весемезэ арсеви пурнамс колмосядт ветьгемень лездыцят. Владимир Сидоров макссь кармавтома маласо шкасто ушодомс Аксеновасо куротнень монтажонть. Истяжо региононь министрань кабинетэнь прявтось тешкстызе, Сабантуень ютавтома таркасо свалшкане кармить ютавтневеме выездной заседаният.
