Мордовиясь аноксты «Мы вместе» од ломанень фестивалентень ды финнэнь-угрань раськетнень весероссиянь форумонтень

Те иень умарьковсто Саранскойсэ весероссиянь ды раськеютконь уровнянь общественно-политической ды этнокультурной покш мероприятиятнень ютавтомадост кортасть Республикань Кудосонть. Мордовиясь карми «Мы вместе» од ломанень фестивалень куншкакурокс, конась ютавтови ниле прявт таркатнесэ: Советской площадьсэнть, фонтанонь валгомасонть, «Мордовия Арена» стадионсонть, А. С. Пушкинэнь лемсэ культурань ды оймсемань парксонть, Тежа иень площадьсэнть. Финнэнь-угрань раськетнень форумонть туртов прявт таркакс карми «Мордовия Арена» стадионось ды Н. П. Огарёв лемсэ университетэсь. Кеняркссонь ковкерьксэнтень совить раськень культуратнень фестивалесь, дегустациятне, мастер-класстнэ, «За Победу» панжадо менеленть ало музеесь, «Шумбрат» раськень-фольклоронь покшчись ды ламот лият. Омбоце чистэнть Россиянь шкинемань вейспурнавксстнэ молить муниципальной районтнэс, теевить содавиксэкс Мордовиянь койтнень-кирдатнень марто, ладить ялгаксчинь ды шкинемань сюлмот. Финнэнь-угрань раськетнень форумонь участниктнень туртов арсеви ютавтомс секциянь занятият.

Неть читнестэ Мордовияв пурнавить шкинемань коллективть масторонь весе регионтнэстэ, «Мы вместе» фестивалень малав 800 участникть, 400 – финнэнь-угрань раськетнень форумонь, 150 кедьчелькев ломанть, мероприятиятень 50 тежадо ламо участникть ды ваныцят.