Мордовиясь 64 процентс нолдазень тевс ярмакнень, конат максфт агропромышленнай комплексти

Российскяй Федерациянь аймакненди макссть пцтай 125 млрд цалковай. Синь кучфт кода государственнай лезкс странать агропромышленнай комплексозонза. Ня средстватнень эзда региоттне пачфтезь вастова 45 млрд цалковайть. Россиянь субъекттнень ёткса фкясь васенцетнень эзда, кие сембода вишкста пачфтезень ярмакнень — Мордовиясь (пцтай 64 процентс).
Государственнай лезксть ломаттненди пачфтеманц меле фалу ваны Россиянь Мисельхозсь.
Тяфта же ялгат ёратама китькстамс, Мордовияса моли ни зёрнань урядамась. И васенцесь кундасть тя тевти Чамзинка аймаксь. Тя пингть тоса урядаф ни 3 тёжятть гектар. Пси кизоть инкса козя урожай аф учеви. Аграрийхне корхтайть, што урожайностсь тя кизоня кирсь кафксть ётай кизоть коряс.