Мордовиянтень явовить кеменде ламо миллиардт целковойть поликлиникатнень витнемас

Малав 60% республикань поликлиникатне неень шкасто учить витнема. Те невтематнентень а совавтовить ФАПтне ды амбулаториятне. Весемезэ — сядодо ламо медицинань лезксэнть максома таркат. Истят невтевкстнэнь яволявтынзе Олег Маркин, Мордовиянь здравоохранениянь министрань тевень топавтыцясь. Тевтопавтомань васенце лувсо минек региононтень явозельть малав 3 млрд. цел. Сынст вельде путови од эйкакшонь поликлиника Рузаевкасо.  Теде башка, чадыковонь 5-це чистэ ушодовсть важодематне 2-це номер ало эйкакшонь поликлиникасо. Тень марто, витневить Краснослободскоень, Рузаевкань ды Комсомольскоень районной больницятне.