Мордовиянь студентнень сявсазь покодема Россиянь Казначействать филиалозонза!
Опубликовано Вайгель - 14.03.2022
Мордовиять оцюняц Артём Здунов васетькшнесь Федеральнай казначействать директоронц полафтыенц Антон Дубовикть мархта. Синь корхтасть «Центр по обеспечению деятельности Казначейства России» регионъётконь филиалть покодеманц колга, конань панжезь Саранскяйса ётай кизоня. А тяфта же кода кирдемс соткс ведомствать и регионть ёткса.
Артём Здунов китькстазе, пяк цебярь, мес Саранскяйса панжевсь бухгалтерскяй обслуживаниянь Центрась. Тяниень пингс учрежденияса покоди пцтай 100 ломань, нинге 40 курок сявихть.
Россиянь Казначействать Саранскяйнь филиалозонза сявихть од ломатть, конат аньцек аделазь Огарёвонь лемса Мордовиянь госуниверситетть. Тяфтама кеме соткснень организациять и университетть ёткса арьсихть кирдемс сяда товга.
