Мордовиянь спортсметтне кандсть кафта казнят

Мордовиянь ломаттне вольнай тюремать коряс сембе масторонь пялькстамаса сявсть кафта казнят. Турнирсь лемтьфтоль Россиянь заслуженнай тренерти Виктор Волохинонь мялямонцты. Зрнянь медаль регионтти кандсь Максим Жочкин. Цёрась пялькстсь 125 килограммти молемс весовой категорияса. Тяда башка, оцю казнять мархта од ломанць тиезе Россиянь спортонь мастеронь нормативть. Омбоце казнять Мордовияти кандозе Ульяна Ратникова. 55 килограммти молемс весовой категорияса стирьсь сатозе бронзать.
Вольнай тюремать коряс турнирсь ётась Оренбургскяй областьса Бугуруслан ошса. Спортсметтнень ётксса — 250 ломаньда Россиянь 25 регионцта.