Мордовиянь прявтошонь общественной транспортонь паркось пештевсь 35 од автобустнэсэ
Опубликовано Вайгель - 13.01.2023
35 од ПАЗтнэ пештсызь Саранскоень «Горэлектротранс» муниципальной предприятиянь парконть. Якшамковонь 12-це чистэ Изнямонь площадьсэнть ютавтовсь Мордовиянь прявтошонь руководствантень ключтнень максомань церемониясь. Ошонь округонь общественной транспортонь парконь одкстомтомась топавтозь Россиянь Президентэнть решениянзо коряс. 35 автобустнэ вадрялгавтсызь 13 автобусонь маршруттнэнь важодеманть, общественной транспортось карми ардтнеме седе сеедьстэ», – мерсь Артём Здунов.
Россиянь Федерациянь Президентэнть Владимир Владимирович Путинэнь лезксэнзэ вельде кемекемекстазь республикань социально-экономической виевгавтомань башка программась, Правительствань резервань фондстонть явозь 335 млн целковойть транспортонть одкстомтомс. Од автобустнэс кельгить 60 ломанть. Техникантень путозь ардомань кисэ пандоманть туртов эрявикс оборудования, видеонаблюдения, «ГЛОНАСС» ды ардыцятненень пачтямонь системат. Автобустнэ важодить метанонть лангсо — перть пельксэнь компримированной газонть, те лезды киртямс муниципальной предприятиянь ютавкстнэнь.
Од техникась пачтяви «Горэлектротрансонь» весе 13 маршруттнэс.
Ключтнень явшемадост мейле Мордовиянь Прявтось Артём Здунов ваннызе од техниканть, сонзэ оснащениянть. Якшамковонь 20-це чинтень автобустнэ улить официальна тешкстазь, теде мейле лисить ошонь маршруттнэс.
