Мордовиянь Прявтось ютавтсь оперативной промкс, конась алтазель кирвазематнень а нолдамонь кевкстематненень

Мордовиянь Прявтось ютавтсь оперативной промкс, конась алтазель кирвазематнень а нолдамонь кевкстематненень. Артём Здунов ледстинзе масторонь регионтнэсэ эрямонь кудотнесэ газонь сезевемань тевтнень ды кармавтсь виевгавтомс мелень явоманть весе уровнятнесэ. Артём Здунов тешкстызе, буень прявттнэнень газонь службань специалисттнэнь марто вейсэ эряви виевгавтомс тевдееманть газонь оборудованиянь важодемасо асатыкстнэнь редямонть, авариятнень а нолдамонть коряс, пачтямс эрицятненень паломатнеде, тувталтнэде ды мадстемань коряс тевтнеде. Седе пек те кевкстемась кандови Теньгушевань, Краснослободскоень, Покш Игнатовань ды Зубова Полянань ёнкстнэнь.
Сави топавтомс покш важодема эрямо таркатнес кирваземадо пачтиця прибортнэнь путомаст коряс. Неть прибортнэ улест путозь кудотнесэ, косо эрить сыре ломанть, инвалидт, эйкакшт. Башка мель – СВО-нь участниктнень семиятненень. Неть прибортнэ лездыть а нолдамс веть паломатнесэ ломантнень маштовоматнень, шкастонзо пачтить эрицятненень зыяндонть.