Мордовиянь Прявтось Артём Здунов терди «Россия» невтемав

Раськеютконь форумось карми важодеме Москов ошсо ВДНХасо сундерьковонь 4-це чистэнть саезь сы иень чадыковонь 12-це чинть самс. Тосо невтсызь эсь пряст Россиянь весе регионтнэ одтнэнь марто вейсэ.

Мордовиясь невтсынзе эсь изнямонзо электроникасо, фармацевтикасо, спортсо ды культурасо.

«Тесэ минь невтсынек сехте паронть, мезе ули минек республикасо. Прявт сюпавчись – те минек ломанте. Ютксост – Советской Союзонь героесь Михаил Девятаев, Федор Ушаков адмиралось, Никон патриархось, Степан Эрьзя масторонть келес содавикс скульпторось, Федот Сычков артыцясь. Неть ине ломантне – минек ине масторонь историянь аявовикс пельксэзэ», – мерсь Артём Здунов.

Сон ледстизе эрзятнень ды мокшотнень кона еновгак а молиця культуранть, конась ули музыкасо, кельсэ, раськень оршамопельтнесэ, ероковтнень важодематнесэ. Весе Россиянть келес содасызь тавлань чувтонь налкшкенть, тумонь теевкстнэнь, сисемтюсонь теньгушевасо кодавкстнэнь.

Ламо мель явить спортонтень. Мордовиянь спортсментнэ виевть эрьва кодамо спортсо: грекень-римень тюреманть эйстэ саезь спортонь якамонть видьс.

«Мордовиясо улить эсензэ мельсалыця этнографиянь, пертьпельксэнь маршрутонзо. Регионось – войнань-патриотонь трямонь весероссиянь куншкакуротнень ютксто вейкесь», – мерсь Артём Алексеевич.