Мордовиянь Правительствань Председателесь Дмитрий Поздняков важодемань тевтнень коряс ульнесь Дубенкань буесэ.

Мордовиянь Правительствань Председателесь Дмитрий Поздняков важодемань тевтнень коряс ульнесь Дубенкань енкссо. Премьер-министрась теевсь содавиксэкс нацпроекттнэнь ды госпрограмматнень топавтомаст марто, якась велень хозяйствань ды промышленной зярыя предприятиятнес. Кочкурова велесэ Дмитрий Поздняков ульнесь крестьянско-фермерской кавто хозяйстватнесэ.  Дмитрий Поздняков кармавтсь региононь Минсельхозпродонтень лездамс фермертнэнень понгомс велень хозяйствантень лездамонь федеральной программатнес. Поваделесэ премьер-министрась теевсь содавиксэкс водопроводонь сеттнень строямонь тевтнень марто, важодемась ветяви «Комплексное развитие сельских территорий» госпрограмманть лувсо. Объектсэнть важодить специалисттнэнь колмо бригадат, анокчись – 60%. Кизэс весемесь карми анок. Седе тов Дмитрий Поздняков ваннызе, кода топавтови витнемась  Повадимовань школасонть.  Премьерэсь кармавтсь изнямс кемекстазь аравтлувонть эйстэ улиця кадовоманть ды медьковонь прядовомс максомс объектэнть. Райцентрасонть Правительствань Прявтось ваннызе «Агро-Дубенки» предприятиянь важодеманть, тесэ кастыть пичень, туянь, кузонь, кедрань касовкст. Предприятиянь продукциясь эрявикс ды целанек микшневи минек республикасо. Иенть ушодовомсто «Агро-Дубенки» предприятиясонть тееви чувтонь обработкань од енкс.