Мордовиянь од физикне сатсть 15 медальхть народъётконь олимпиадаса.

29-це ноябрьста Беларусь Республикаса аделавсь экспериментальнай физикать коряс народъётконь 9-це олимпиадась. Примасть участия, кода фалу, 8-11 классонь тонафнихне. Синь пялькстсть личнай зачётса сембе 4 параллельхнень эса. Тяфта же олимпиадаса фкя-фкянь каршес няфтезь вийснон сяда оцю лигась (10-11 классне) и сяда ёмлась (8-9 классне).

Олипиадать эса ульсть 3 турхт, эрть эса покодемась вятевсь экспериментальнай оборудования мархта. Эрь пялькссь мольсь 5 частт, шабатнень тевснон ванондозь народъётконь жюрись.

Олимпиадав састь 312 школьникта 3 масторста: Молдавияста, Россияста и Беларусьста. Ульсть пялькстыхть Санкт-Петербургста, Москуста, Екатеринбургста и Мордовияста — асу иттненди Лицейста. Личнай первенстваса синь сявсть 5 зрнянь медальхть, 5 сиянь и 5 бронзовайхть.