Мордовиянь Някань театрасо ютыть ДНР-нь Някань театрань гастрольть
Опубликовано Вайгель - 26.02.2025
Горловкань актёртнэ 1-цеде сыть Мордовияв гастролень туронть юрсо, конань анокстызе Россиянь Культурань министерствась. «Росконцертэнть» вельде Горловкань Някань театрань артистнэнь шкинемаст марто содавтовить Россиянь эрьва ужинесэ эриця ваныцятне.
Кода тешкстызе Горловкань Някань театрань прявтось Артём Тон, «неть гастрольтне — те покш ответственность — невтемс эсь ошонть ды Донецкой народной республиканть целанек. Невтемс сень, мезесь истят аволь шожда шкатнестэ талновты седеенть ды максы вийть молемс икелев».
Истя, эйзюрковонь 21-це чистэ Мордовиянь ваныцятне несызь Джоэль Чандлер Харрисэнь ёвксонзо коряс «Братец Кролик» невтеманть. Омбоце чистэнть -«Планета Вити» спектаклянть. Кавонест спектаклятнень путынзе режиссёрось Артём Малахов.
Фото: «Известия Мордовии»
