Мордовиянь «Кречет» сафари-паркось изницятнень ютксо «Россия» невтемасо

Неть читнень цётазель «Пространство в будущее» проектэнь пелькстамось, конась ютась ВДНХасо «Россия» невтемасо-форумсо Регионь кастомань-кепетемань читнень лувсо.

Панжиковонь 21-це чистэнть саезь регионтнэ невтсть туризмань, инфраструктурань ды од ломанень политикань эсь проектэст. Очной презентациясо Московсо невтизь пряст Мордовиянь кавто проекттнэ: «Кречет» сафари-паркось «Туристический проект» номинациясо, «Ялгат» од ломанень шкинемань форумось «Молодежный проект» номинациясо.

Вайгелень максоманть коряс сафари-паркось кочкась 37 тежадо ламо вайгельть ды истя кармась изницякс Равонь-Камань макрорегиононь весе проекттнэнь ютксо.

Эряви тешкстамс, «Кречет» сафари-паркось панжовсь 2022-це иестэ. Нурька шканть перть сон кармась Мордовиянь туризмань сехте содавикс ды вечкевикс  объектэкс. «От южных морей до полярного края» пелькстамонь цётамотнень коряс сови Россиянь топ-30 таркатнень юткс.