Мордовиянь эрицятненень мереви максомс вайгельтнень республикань стендэнть кис «Россия» невтемасо-форумсо

Региононь сехте вадря экспозициянть кис вайгелень максомась неень шкасто юты «Россия» невтемань-форумонь сайтсэ. Тень туртов эряви ютамс мельга молиця ссылкаванть – russia.ru/voting/region. Тосо муема максозь картастонть Мордовиянть, кочкамс номинациянть ды лепштямс «Проголосовать» кнопканть. Эряви меремс, вайгельтнень мереви максомс 11 номинациява.

Ледсятсынек, форумось юты Москов ошсо, ВДНХасо. Эйсэнзэ невтить пряст Россиянь весе регионтнэ.

Мордовиянь площадкань прявт мазылгавтомакс кармась Ине чувтось, конась невти республикань эрицятнень тешкс, региононь свалшкань касомантень бажамо. Инновациянь технологиятне теить те чувтонть ёвксонь кондямокс. Сонзэ потс совицясь виртуальной экскурсия вельде содавтови Мордовиянть ды сонзэ эрицятнень марто.

«Россия» невтемась-форумось карми молеме чадыковонть видьс. Мордовиянь чись юты сундерьковонь 30-це чистэ.