Мордовиянь бороцицятне онкстасызь виест БРИКС мастортнэнь ютксо налксематнесэ
Опубликовано Вайгель - 06.06.2024
Пелькстамотне грекень-римень коряс спортсментнэнь ютксо ютыть Казань ошсо аштемковонь 19-20 читнестэ. Тов арды Россиянь пурназь командаськак. Сонзэ тренерэнть Гоги Когуашвилинь валонзо коряс, командантень понгсть сехте виев спортсментнэ — Россиянь чемпионтнэ.
Истя, 55 кг видьс сталмонь категориясонть эсь прянзо невтьсы Европань чемпионось Виталий Кабалоев, 63 кг видьс – олимпийской налксематнесэ казнень саицясь, масторлангонь ды Европан чемпионось Сергей Емелин.
Эряви тешкстамс, сынь кавонест грекень-римень тюреманть коряс неень шкань Россиянь чемпионт.
