Мордовиянь 13 студентт лиссть «Флагманы образования» пелькстамонь финалс

Мордовиянь 13 студентт лиссть «Флагманы образования» пелькстамонь финалс.

Сынь совасть 300 лия студенттнэнь юткс, конат истяжо лиссть «Россия ­ – страна возможностей» Президентэнь платформань пелькстамонь меельце эскельксэнтень. Мордовиянть пельде тосо кармить пелькстамо вузтнэнь студенттнэ «Образование» нацпроектэнь «Социальные лифты для каждого» федеральной проектэнть лувсо Российской Федерациясо Просвещениянь министерстванть лезксэнзэ вельде.

Ёвтасынек, «Флагманы образования» пелькстамосо онкстыть виест 18 иестэ саезь од ломанть, конат тонавтнить эрьва кодамо направлениясо.

Регистрациянь шканть перть яволявкст каясть 23 тежадо ламо ломанть. Пелькстамонь омбоце эскельксэнтень ютасть пелест. А вана финалонтень тердема сась ансяк 300 сехте виев пря невтицятненень, конат кочкасть сехте ламо баллт.

Финалонь программасо – дискуссиянь площадкат, образованиянь сферасо специалист марто вастовомат, профессиональной ды шкинемань мастерскойть ды ламо мезе лия.

Пелькстамось алтазь муемс студенттнэнь ютксто сехте шкинемань ды ероков специалист образованиясо.