«Мордовия-Аренасо» панжови спортонь музей

Опубликовано - 08.12.2021

Эряви тешкстамс, республикасо истямо музей арась. Карми васенцекс. Спортонь музеень панжомань церемониясь юты Пильгеоскасо налксемань Масторлангонь кеняркссто, ацамковонь 10-це чистэ.

Кода мерсть стадиононь пресс-службасо, свалшкань экспозициясонть кармить И. Д. Воронинэнь лемсэ краеведениянь музейстэ экспонаттнэ, се, мезенть пурнызь стадиононь важодицятне ды мезенть максызь Саранскоень эрицятне. Ютксост: оскат, флагт, вымпелт, содавикс футболисттнэнь ды спортсментнэнь сёрмадовксост, футболкат ды сед тов. Арсематнень коряс, экспозициясь карми пештявомо сень эйсэ, мезесь кадови Мордовиясо спортонь покш пелькстамотнеде мейле.

Спортонь музеесь карми панжадо инжетнень туртов ацамковонь 13-це чистэнть саезь. Экскурсияв эряви сёрмадтомс прянть 307-000 телефононь номерга.


Вайгель эфир по будням: с 7.00 до 7.30 – на эрзянском языке, с 7.30 до 8.00 – на мокшанском языке

Current track

Title

Artist