Минкультурась, Минобразованиясь ды Од ломантнень тевест коряс госкомитетэсь тешкстасть вейсладямо Мордовиянь митрополиянть марто
Опубликовано Вайгель - 12.01.2023
Мордовиясь кармась масторонь васенце регионтнэстэ вейкекс, косо гражданской институттнэ ды православной церьковась кармить важодеме вейсэ свалшкань лувсо. Мордовиянь митрополиянть марто вейсладямонть якшамковонь 11-це чистэ тешкстызь Мордовия Республикань Культурань, раськень политикань ды архивень тевень министерствась, Образованиянь министерствась ды Од ломантнень тевест коряс госкомитетэсь. Тешкстамось ютавтовсь Мордовиянь Прявтонть Артём Здуновонь пингстэ.
Вейсэнь важодемадо вейсладямотне аравтозь, васняяк, од ломантнень духовно-нравственной лувсо кастомантень-превс путомантень.
