Михаил Безбородовть 155 кизот шачема шистонза топодеманцты

10-це январьста 155 кизот шачема шистонза топодель фкяти мокшэрзянь литературань ушедыхнень эзда — Михаил Ильич БЕЗБОРОДОВТИ.
Сон шачсь Ельнику аймаконь Пиченгуш велеса. Мзярда теенза топодсь 13 киза, кулось аляц. Семьясна оцюволь, тряйфтома савсь няемс лама нужа.
Тонафнесь Пензаса, покодсь учителькс, литсотрудникокс «Мокшень правда» газетаса и «Кулхозонь эряф» журналса.
Васенце стихотворениянц «Морафтома кудса» печатлазе 1927 кизоня, тяда меле фкя-фкянь мельге лисендсть стихонза: «Вирь», «Паксяти», «Видиян-сокаян», «Тунда» и лият.
Тусь эряфста, мзярда теенза ульсь аньцек 28 киза. Но нльне тяфтама нюрьхкяня пингста кенерсь тиемс пяк лама. Сон тяштезень мокшень васенце поэмать — «Ёфкс, кона ульсь», стихса васенце драмать — «Кафта ширет», ушедозе стихса васенце повестть — «Колма пинкт, или колма морот», конань ашезь кенере аделамс, сёрмадозе аньцек ушетксонц — «Волянкса».
«Вирь» стихотворенияц тячемс морсеви морокс. Морасы Мордовиянь Заслуженнай артисткась Инна Учватова.